Guinpa-idalom sa paghanas ang 30 ka mangunguma sang Saging gikan sa duha ka banwa sa probinsya sang Capiz kalakip na ang syudad sang Roxas nga guinpatigayon sa conference room sang Office of the provincial Agriculturist (OPA)sadtong Septyembre 24-25, sining tuig.
Ang nasambit nga paghanas ang guinpatigayon sang OPA kaupod sang Department of Agriculture Regional Field Unit 6 (DA RFU 6), sa diin duha ka manugpaathag gikan sa DA RFU6 ang nagpasanyog sang ila nga abilidad kag kinaadman sa pagpatubas sang Saging.
Si Rosemarie Peñaflor, ang nagadumala sang mga programa sa Saging. Sa0tang si Maria T. Ecang, isa ka pathologist sang DA RFU 6 kag eksperto sa mga peste sa Saging.
Pagkatapos sang ila paghanas, nagpatigayon ang OPA sang pagbisita sa isa ka talamnan sang Saging sa banwa sang Ivisan.
Ang ini nga lihok ang guinpatigayon paagi sa suporta ni Gov. Victor Tanco para madugangan ang ihibalo sang mga mangunguma sang Saging tungod sang mga bag-o nga teknolohiya kag agud mas madugangan ang ila pagsalig sa ila kaugalingon kag ikasangkol sa pagpatubas sang Saging.
All comments are moderated. Your comments will not appear here unless approved by the blog owner. Thank you.
