ROXAS CITY - When it rains, it pours.
Capiz as host of the recently — concluded Western Visayas Regional Athletic Association Meet (March 15-20) continues to receive good feedback from people of various persuasions for it’s “smooth and orderly “ handling of the regional sports competition.
Capiz provincial administrator Zoe Herrera said he is happy that, although the sports event is now over, the organizers - particularly provincial and DepEd officials and employees - continue to receive good words or commendations from the delegates themselves and even from plain observers.
This only showed, he said, that any local activity is bound to succeed if there is cooperation from everybody.
Capiz DepEd Supt. Evelyth Gamboa cited the provincial leadership headed by Tanco and the effective partnership of the Capiz and Roxas City Divisions for the successful holding of the week-long sports competition.
Negros still emerged overall winner of the competitions, edging out iloilo by 23 points (See complete results on Page 6)
Herrera who, as the alter ego of the governor, personally oversaw the progress of the games and attended to the problems and needs of the various delegations, said he has not received any major or serious complaints from heads of the contingents or from the athletes themselves during the meet’s duration.
According to him, he saw to it that the heads of the delegations had his mobile phone number.
A lot of people, he said, had texted or personally congratulated him and the event organizers for the orderly handling of the WVRAA affair.
Even the spectators noted the “superb and systematic arrangement “ of the viewing areas, giving them comfort and convenience while watching the games, Herrera said.
Media people also commended the Press Center operation which was handled by the Provincial Press Bureau for making it easy for them to secure the results of the games.
The bureau, headed by Edward Basilonia, also handled the daily releases of The Marker, the WVRAA 09 newsletter. Basilonia and his staff of about eleven people, worked with people from the Philippine Information Agency in Capiz headed by James Cabag, the DepEd and the private media in coming up with the daily issue of the newsletter.
Basilonia said he is happy that the efforts of his people from the bureau as well as those behind The Marker had paid off as shown by the positive feedback he had received.
Several officials of the region texted him to reserve them copies of the newsletter, according to Basilonia. (GTP)
Nothing comes better for Negros Occidental than a WVRAA crown.
This time around, its dominance of the Western Visayas Regional Athletic Association (WVRAA) Meet held in Capiz, March 15 –20, tasted sweeter, like sugar for which it has been world-famous, more than ever.
It came as a result of a tough competition put up by 1st runner-up Iloilo in both elementary and secondary divisions.
Negros, which has reigned supreme over the school-based sports competition since then, harvested a total of 786.5 general championship points, 359.50 points coming from elementary and 427 pts from secondary, to retain the overall title.
Iloilo had a total of 756.5 points, just a slim 30 points behind Negros’ winning points haul. The runner-up’s total pints were made up of 334.50 pts contribution by the elementary and 422 pts courtesy of secondary.
Host Capiz continued its hold on 3rd place with a total of 292 points, 150 pts of which came from elementary and 142 pts from secondary.
Neighboring Aklan, although it was ahead over Capiz by 5 pts in secondary, landed in 4th place overall with a total of 237.5 points. Elementary chipped in 90.5 pts while secondary came in with 147 pts. Antique, host of last year’s WVRAA, saw the momentum of its home court advantage in 2008 melt like muscovado sugar in a cup of coffee on the heels of Aklan’s own grit. It was able to collect 187.5 points – 85.5 pts from elementary and 102 pts from secondary. Guimaras came in at 6th place with 119 points (71 from elementary and 48 from secondary).
The winners were officially proclaimed during the closing ceremonies held shortly after the last events that capped this year’s edition of the premier regional sports event hosted by Capiz and held at its spanking Villareal Stadium.
The regional meet, which is anchored on the overall program of the Department of Education (DepEd) that considers sports activities as part of the total development of the youth, is also meant to select the pool of athletes who will represent Western Visayas in the Palarong Pambansa that will be hosted by Tacloban City from April 28 to May 3 this year.
The Negrenses came too strong for athletes from the other provinces of the region. Only Iloilo was able to put up a tough challenge.
While Negros and Iloilo stole the limelight in the week-long competition by contending for the top points in most of the event, the other provinces did not come in without their own strong performances, though.
In particular, the host province ruled elementary chess and tennis for girls and boys’ taekwondo in the secondary division.
The overall performances of athletes, regardless of their provincial affinities, drew supportive and appreciative cheers from the jampacked stands.
PROBINSYA SANG CAPIZ – Nakahanda na ang probinsya sang Capiz sa pagpanagbalay sang prestihiyuso nga Western Visayas Regional Athletic Association (WVRAA) Meet sa palaabuton nga Marso 15 tubtob 21, 2009.
Suno kay Gov. Victor A. Tanco, “ang liwat nga pagpanagbalay sang probinsya sang Capiz sang WVRAA makaligad ang tatlo katuig, isa ka daku nga oportunidad kag kadungganan para sa Capiznon kag ini amon panikasugan agud ang tanan nga hilikuton mangin matalunsay.”
“Nagasalig ako nga masarangan sang aton mga pasilidadis sa isports kasubong sang Capiz Gym, rubberized track oval, olympic size swimming pool, 2 sepak takraw court, 2 volleyball court, 2 outdoor basketball court, 2 lawn tennis court kag iban pa, ina tanan ara sa sulod sang aton Villareal Stadium nga kabahin na sang maragtas sang isports sang probinsya sang Capiz,” dugang nga pahayag ni Gov. Tanco.
Ang probinsya sang Capiz ang nagpanagbalay sang WVRAA sadtong tuig 2006 kag ini guinapasakupan sang mga probinsya sang Aklan, Antique, Capiz, Guimaras, Iloilo kag Negros Occidental.
Ang prestihiyuso nga hinampang sang mga bulothuan nga guinadumalahan sang Departamento sang Edukasyon (DepEd) sa rehiyon 6 ang guinakabig nga daku nga kahigayunan sa mga atleta agud madiskubre ang ila talento sa hinampang kag mangin tiglawas sang pungsod kasubong man mangin dalan padulong sa mga dalagkuan nga hinampang.
Guinalauman nga mangin masandukot ang pagpaindisanay sang anum ka probinsya sa Western Viasayas sa mga hinampang kasubong sang archery, arnis, athletics, badminton, baseball, basketball, boksing, chess, football, gymnastics, sepak takraw, sipa, softball, swimming, table tennis, taekwondo, tennis kag volleyball.
Suno kay Ronilo Tu, Division Physical Education and Schools Sports Coordinator sang DepEd-Capiz, “guinatinguhaan gid sang DepEd kag sang gobierno probinsyal nga mangin madinalag-on ang pagpanagbalay sang pinaka-prestihiyuso nga hinampang sa Western Visayas.”
“Humalin sa sports facilities, lugar nga pagahampangan, billeting areas, seguridad sang delegasyon kag iban pa nga kinahanglanon ang guinahimulatan gid nga mapahamtang sa maayo nga sitwasyon,” dugang nga paathag ni Tu.
Samtang ang “billeting areas” para sa delegasyon sang Aklan ang Plaridel East kag West Elementary School; Antique sa Filamer Christian College main campus; Capiz nga amo ang tagbalay sa Capiz National High School (A); Guimaras sa Banica Elementary School; Iloilo sa Congressman Ramon A. Arnaldo High School; Negros Occidental sa President Manuel Roxas Memorial School (PMRMS) kag ang mga technical officials sa Capiz National High School.
Ang bulan sang Pebrero napun-an sang madamo nga hilikuton para sa probinsya sang Capiz.
Ang Provincial Arts Month nga guinpatigayon sang Provincial Tourism Office kag sa pag-suporta sang National Commission on Culture and the Arts (NCCA) nga labi nga nagpabakod sa pagduso sang aton turismo.
Ang padayon nga kampanya sa “War on Worms” sang Provincial Health Office (PHO) agud ma-protehiran ang ikaayong lawas sang aton mga kabataan para mangin produktibo nga pumoluyo sang probinsya.
Ang padayon nga serbisyo medikal sang gobierno probinsyal sa kabaranggayan kag kabanwahanan agud malab-ot ang aton mga kasimanwa nga kubos sa nabaw-ing nga duog kag mahatagan sang igtalupangod ang ila ikaayong lawas.
Padayon ang pag-ulikid ni Gov. Vic Tanco sa edukasyon sa diin nagpa-in sang pondo nga P500,000.00 para sa mga “Iskolar sang Capiz” sang ginhiwat nga sinapol sang Provincial Development Council (PDC) sang damlag lang.
Ginpabakod pa gid ang pondo sang PDC gikan sa 20 porsyento sang Internal Revenue Allotment (IRA) nga pondo ikumpara sang nagligad nga tuig nga may P94,082,328.00 kag sang pondo sa karon nga may P104,331,221.00.
Liwat nga guinahatagan sang igtalupangod nga mapakay-o ang mga karsadahon sang gobierno probinsyal para mangin matalunsay ang transportasyon sang pumoluyo.
Dugang diri, guinahimulatan man nga mangin maayo ang pagpanagbalay sang probinsya sang Capiz sang Western Visayas Regional Athletic Association (WVRAA) Meet karon nga tuig, paagi sa pagpakay-o sang mga balibong-an sang “bleachers” kag iban pa nga pasilidades sang isports.
Ini tanan nga mga hilikuton guinahatagan sang pag-ulikid ni Gov. Vic Tanco kag iban pa (kibp) nga mga bagay-bagay nga makahatag sang serbisyo kag benepisyo sa Capiznon.
Sang nagligad nga tuig ginbalay ang Provincial Tourism Development Plan. Ang nasambit nga plano ginbalay sang mga representante halin sa aton syudad kag mga kabanwahanan upod sang mga nagakalain-lain nga sektor sang komunidad. Ini nga plano amo ang mangin gabay sa pag-implementar .
Ang pinasahi nga “feature” sang nasambit nga plano amo ang paghatag sang igtalupangod sa pagpasangkad sa kinaugalingon nga kultura. Ini gin”integrate” sa mga nanuhaytuhay nga hilikuton sang programa pang-turismo.
Guinasiling nga ang kultura amo ang “kalag” sang isa ka pungsod, amo ini ang pangkabilugan nga “package” sang “patrimonial qualities” nga naga “differentiate” sang Filipino sa iya kaingod nga mga pungsod.
Sang sini nga panan-awan, guinatinguhaan sang talatapan sang Provincial Tourism nga ibutang KINAHANGLANON NGA EPRESERBA ANG KULTURA apang dapat mangin “relevant” sa pagbag-o sang panahon. KINAHANGLANON NGA PASANGKARON nga indi masakripisyo ang matuod nga kahulogan sa adlaw-adlaw nga pagpangabuhi sang mga tawo. KINAHANGLAN NGA INI PAMAAGI SANG PAG “PROMOTE “ SANG TURISMO NGA MAY PAG-ULIKID – sa paglaragway sang kinaiya nga kultura bilang dagway sang pinasahi nga mga kalidad sang pamatasan kag pagginawi sang isa ka katilingban.
Ang pagpatuman sang mga tourism kag cultural events nagakinahanglan nga makit-an ang “aspirations” sang katilingban, ang ila handum kag kalipay, panan-awan kag “creative expressions,” buot silingon ang “cultural tourism programs” dapat nasandig sa matuod nga kahulogan sang kultura bangud sang ila nga importansya kag kaangtanan sa kabuhi sang komunidad.
Guinapanan-aw nga ang ini nga strategy sa pag “promote” sang turismo sa aton probinsya makatuga sang “exciting” kag “interesting” nga imahe para sa Capiz. Guinapatin-ad ang mapag-on nga tourism industry paagi sa nagakalain-lain nga tourist products kapareho sang cultural festivals, historical attractions, kag pinasahi nga pasilidades kag serbisyo pang-turismo.
Ang pagpatin-ad sang turismo mangin tayuyon kon padayon ang pag-ulikid kag pagkultibar sang kultura.
Ang maragtason nga simbahan sang Santa Monica sa banwa sang Panay orihinal nga gintukod sang mga prayle nga Augustinian sadtong 1692 kag nahuman sang tuig 1771.
Nagsugod nga nakilala ang nasambit nga simbahan sang ang Katsila nga kura paroko nga si Rev. Fr. Jose Beloso ang nagpahimo sang guinakabig sa karon nga pinakadaku nga lingganay sa bug-os nga Asya.
Suno kay Fr. Pedro Galende, ang Augustinian nga pari sa iya libro nahanungod sa simbahan sang Panay nga may tig-ulo “Angels in Stone,” nga ang nag-molde sining daku nga lingganay amo si Don Juan Basa nga taga-Iloilo sa diin guin-obra niya ini sa iya temporaryo nga ulobrahan sa banwa mismo sang Panay.
Nahuman kag ginpahamtang ang lingganay sadtong Disyembre 12, 1878 sa ikalima nga panalgan sang kampanaryo sang nasambit nga simbahan.
Dugang nga ginpabutyag ni Fr. Galende “nga kon bagtingon ang lingganay sa ti-on sang ala-sais sang gab-i, ang tunog tuman ka baskog nga sarang mabati-an sa mga kaingod nga banwa.”
Ang kalanog sang tunog nakalab-ot tubtob walo (8) ka kilometro sa malinong nga kaadlawon tungod ini nahuman sa salsalon kag pilak.
Kapin sa sitenta (70) ka sako sang pilak ang nagamit sa pag-molde paagi sa kuota nga sistema sa pag-donar sang mga katapo sang parokya.
Ang kada Cabeza de Barangay kag ang mga manggaranon diri nga pamilya guinapangayuan nga maghatag gid sang isa ka sako nga pilak ukon bisan katunga sini.
Ang nasambit nga pinakadaku nga lingganay nagasukat sang pito (7) ka tapak ang diametro, lima (5) naman ka tapak ang kataason kag nagabug-at sang diyes punto kuatro (10.4) ka tonelada.
Ini guinapalibutan sang walo (8) ka magagmay nga lingganay nga may sari-sari ang kadakuon sa diin ini nagdugang sang hilisantu nga pagtunog sa ti-on nga guinapatigayon ang magkatuhay nga selebrasyon kag solemnidad sang simbahan.
Sa isa ka bahin sining bantog nga lingganay, may naguhab nga mga tinaga sa pulong nga Katsila kag nagasiling: Soy la voz de Dios que llevare y ensalzare desde el princio hasta el fin de este pueblo de Pan-ay para que los fieles de Hesucristo vengan a esta casa de Dios reciber las gracias celestials.”
Ini ginlubad sa Ingles ni Msgr. Vicente F. Hilata sadtong sia anay diri ang nag-kura paroko: “I am the voice of God which shall echo and praise from the beginning till the end of this town of Pan-ay; so that the faithful of Jesus Christ may come to the house of God to receive heavenly grace.”
Ang buot sayuron sa pulong nga hiligaynon, “Ako ang tingog sang Dios nga magapahanumdom kag magapabansag halin sa ginsugoran tubtob sa katapusan sini nga banwa sang Panay; agud nga ang mga tumuluo kay Hesukristo magapadulong sa balay sang Dios para maagum ang langitnon nga bugay.”
Sadtong Disyembre 21, l978, ginsaulog sang mga Pan-ayanon ang isa ka gatos nga anibersaryo sang lingganay kag ang isa sa talalupangdon nga aktibidades amo ang liwat nga paghatag kabuhi sa pagpahamtang sa daku nga lingganay sa ibabaw sang lima ka panalgan sang kampanaryo kag dayon ang pagbagting sini sang isa ka gatos ka beses.
Ginsiling man sang mga domuloong sa karon, nga indi mangin kumpleto ang imo pagbisita sa probinsya sang Capiz kon indi nimo makit-an ang pinakadaku nga lingganay sang Panay nga nahamtang sa simbahan sang Santa Mon ica sa Poblacion sang nasambit nga banwa.
PROBINSYA SANG CAPIZ – Nagpatigayon sang kortesiya ang bag-o nga Station Commander sang Philippine Coast Guard (PCG) diri sa probinsya sang Capiz nga si Ensign Rodolfo D. dela Pena Jr. sa talatapan ni Gov. Victor A. Tanco sadtong Pebrero 3, 2009.
Sa nasambit nga pagpakigkita, ginhatagan sang igtalupangod ni Gov. Tanco kag Station Commander dela Pena ang pila ka mga katungdanan sang Philippine Coast Guard sa kadagatan nga sakop sang probinsya sang Capiz.
Ginpabutyag sang Gobernador sa atubang sang bag-o nga station commander nga guinakilala gid niya ang daku nga bulig sang PCG sa ti-on sang emerhensya ilabi na ang paglaslas sang bagyo kag pagluntad sang baha diri sa Capiz.
Dugang pa nga nagsiling si Governor Tanco nga handa man maghatag kag suporta ang gobierno probinsyal sa ti-on nga kinahanglanon sang Philippine Coast Guard.
Sa pihak nga bahin, nagsugod bilang bag-o nga hepe sang Philippine Coast Guard sang Capiz si Ensign Rodolfo D. dela Pena Jr. sadtong Enero l9, 2009 kag bag-o sina, sia nagpangalagad anay bilang Coast Guard Commander sa San Jose de Buenavista sa probinsya sang Antique.
Guinalauman nga sa idalom sang iya pagdumala, ilabi nga mapasangkad ang serbisyo sang Philippine Coast Guard sa Capiz.
PROBINSYA SANG CAPIZ – Nagpatigayon sang kortesiya ang bag-o nga Station Commander sang Philippine Coast Guard (PCG) diri sa probinsya sang Capiz nga si Ensign Rodolfo D. dela Pena Jr. sa talatapan ni Gov. Victor A. Tanco sadtong Pebrero 3, 2009.
Sa nasambit nga pagpakigkita, ginhatagan sang igtalupangod ni Gov. Tanco kag Station Commander dela Pena ang pila ka mga katungdanan sang Philippine Coast Guard sa kadagatan nga sakop sang probinsya sang Capiz.
Ginpabutyag sang Gobernador sa atubang sang bag-o nga station commander nga guinakilala gid niya ang daku nga bulig sang PCG sa ti-on sang emerhensya ilabi na ang paglaslas sang bagyo kag pagluntad sang baha diri sa Capiz.
Dugang pa nga nagsiling si Governor Tanco nga handa man maghatag kag suporta ang gobierno probinsyal sa ti-on nga kinahanglanon sang Philippine Coast Guard.
Sa pihak nga bahin, nagsugod bilang bag-o nga hepe sang Philippine Coast Guard sang Capiz si Ensign Rodolfo D. dela Pena Jr. sadtong Enero l9, 2009 kag bag-o sina, sia nagpangalagad anay bilang Coast Guard Commander sa San Jose de Buenavista sa probinsya sang Antique.
Guinalauman nga sa idalom sang iya pagdumala, ilabi nga mapasangkad ang serbisyo sang Philippine Coast Guard sa Capiz.
Sa ginpatigayon nga ika-63-anyos nga anibersaryo sang Partido Liberal (LP) sa Plaza Miranda sa Metro Manila sadtong Enero 30, 2009, ginpahayag ni Senador Manuel “Mar” Roxas, Presidente sang LP, nga e-sentro ang tuhoy sa kasayuran sang mangin isa ka Liberal.
“Ang guina-asyumir nga katungdanan sa pag-alagad sa publiko may satispaksyon nga maagum, kabangdanan nga luyag mabuhi bangud sa katuyuan nga sakdagon ang guinapakigbatuan nga kawsa para sa aton pumoluyo,” dugang nga pahayag ni Sen. Roxas.
Guin-pamangkot man ni Senador Roxas kon ano bala ang mahimo nga ipabugal sang tagsa ka katapo sang partido? Sugod pa sadto, ang Partido Liberal isa sa nangin haligi nga nagpahamtang nga maagum ang kahilwayan kag ang liwat nga pagbangon sang pungsod matapos ang ikaduha nga inaway pangkalibutanon.
Duha ka nagapanguna nga inisyatibo nga pagbag-o—ang reporma sa duta, kag ang una nga layi sa “minimum wage,” R.A. 4150 ang ginpatuman sang Partido Liberal.
Sadtong l970, ang mga lider sang LP liwat nga nangin aktibo sa pagpakigbato batok sa diktadurya, sa mga hitabo sa wala pa kag sang matapos ang EDSA Uno, kag ang pagsikway sa base militar sang Estados Unidos.
Nagsiling si Senador Roxas nga ang maragtason nga nagliligad sang Partido ang naghatag sang kusog kag moralidad agud padayunon ining pungsodnon nga panan-awan tuhoy sa guinatawag nga “social mobility,” sa diin ang masunod nga henerasyon mahimo makaangkon sang maayo nga pagpangabuhi sang sa karon.
Ang buot sayuron sini nga ibutang nga una ang pumoluyo – malahalon ang pumoluyo. Ini ang pagpati nga ang dignidad sang aton pumoluyo amo ang dignidad sang aton pungsod, kag sa sini nga bagay, wala sang banas padulong sa progreso sang sa banas sang tagsa ka kabuhi nga aton guinapakamahal. Wala kita nagakabuhi para sa aton lamang kaugalingon. Ang aton partido isa nga mahatagan sang kabuhi ang daku nga buasdamlag sang aton pumoluyo. Ini ang konsepto sang pagkabanwahanon, sang tagsa ka paghiliupod agud ma-ipatuman ang konsepto sang “social mobility.”
Si Roxas naghambal nahanungod sa ginpili nga bulohaton sang LP, subong man ang kasablagan, ang mga pagtilaw, kag ang mga katalagman nga padayon maatubang. “Indi mahapos ang mangin liberal. Nagpakigsumpong pa kita bangud aton nahibaluan ang mga tinutuyo naton, ang pagpakigbato para sa kaayuhan sang aton pumoluyo kag luas sina, ang sa gihapon, indi malikawan ang kadalag-an sang aton pumoluyo.”
Sa pagpamulong-pulong ni Senador Roxas, iya ginpabutyag ang pagsilabo sa balatyagon sang Filipino nga padayunon nga huna-hunaon ang kaugalingon indi bilang isa ka indibidwal kundi bilang bahin sang hubon. “Nagatuyo ini sa aton nga liwat hibaluon sang maid-id ang sistema politikal nga nagpaslaw sa pagpatudok sang pungsodnon nga balatyagon,” dugang nga mensahe sang Senador.
Ginpahayag pa gid sang senador nga Capiznon, “ini nagapahanumdom nga samtang nagabuhat kita para sa interes sang pumoluyo kag sang pungsod, yara kita sa husto nga bahin sang maragtas, kag mahimo kita magmadinalag-on sa katapusan.”
Guinalauman, ang mga nagapati sa gahum sang mga partido politikal para matigayon ang mahuol nga mga reporma sa patag sang politika mahimo matalupangdan ang mensahe ni Senador Mar.
“Ini na ang oras nga aton liwat usisaon ang aton personalidad nga dominado sang pinolitika nga pag-udyok sa pagtalikod kag pagsaylo-saylo sang mga guinatawag nga “political butterflies.” Ang iban nga pungsod may mga layi nga nagamando sang mga penalidad sa nagatalikod o nagabiya sa partido. Apang guina-admitir naton nga ang ebolusyon padulong sa makusog nga sistema sang partido upod ang ila ginbalay nga plataporma politikal kag ideolohiya madamo pa nga ti-on bag-o maangkon ang pagbag-o sa kaisipan tuhoy sini.
Nagpahanumdom si Roxas nga ang anuman nga nagahatag sang daku nga kahulogan sa kabuhi indi ang paglaghap sang poder para sa personal niya nga interes, kundi ang gamiton ini nga poder para sa pag-alagad sa kaayohan sang tanan, subong man ang katungdanan sang partido politikal sa paghatag sang giya sa palaabuton.
“Ang LP nagahatag sang igtalupangod sa madamo nga kinahanglanon nga pagahimuon sa pagbalay sang partido kag ang iya sini kusog amo nga may yara na nga pat-od nga plataporma ang partido kag pagkasantu nga maragtas sa pagpabilin sa iya sini nga pagka-huluaran,” dugang pa nga mensahe ni Sen. Roxas.
Ginpa-athag pa ni Senador Roxas, “sa gihapon ginpili ang banas sang demokrasya, sang hustisya sosyal, kag pag-amlig sa kaugalingon nga kahilwayan. Ang kabug-at nga magpabakod sang partido nagakinahanglan sang responsibilidad nga pag-ambitanay sang tagsa ka katapo.”
Samtang, personal man nga nagtambong si Gov. Victor A. Tanco, Board Members Alfonso Bediones Jr. kag Enrique Martin. Kasubong man nga nagtambong ang mga konsehal sang dakbanwa sang Roxas nga sanday Dennis Altobano, Rogelio Delfin kag Carla Abela.
JAMINDAN, CAPIZ – Nagtambong si Gov. Victor A. Tanco sa paglunsar sang “Pangahaw Festival” nga kabahin sang kapistahan sang banwa sang Jamindan sadtong Enero 19, 2009.
Ang nasambit nga festival nahatagan sang katumanan sa pagpamuno ni Mayor Ethel Jinon sang nasambit nga banwa sa pagpati nga paagi sa sini nga okasyon mahatagan sang pagkilala ang ila tradisyon, kultura kag mangin kabahin sa mapa sang turismo sang probinsya sang Capiz.
Suno kay Governor Tanco sang sia ang mapakig-angutan sang media, “ang paghimud-os sang pumoluyo sang Jamindan sa pagpanguna ni Mayor Jinon, ang isa ka dalayawon nga tikang agud labi nga mapasundayag nila ang ila kinaiya, ang pag-guinawi kag mga produkto nga sarang ipabugal nga Capiznon.”
Sa nasambit nga okasyon, ang gintambungan man ni Acting Provincial Tourism Officer Alphonsus Tesoro, nga naghatag man sang iya panugyan tuhoy sa ideya sa pagbalay sang isa festival nga madinuagon kag santu sa kinaiya sang isa ka duog.
Ang “Pangahaw Festival,” nagakahulugan sang “pagpangagda” kag ini nagalaragway sang pagbinatasan sang isa ka komunidad kag pagpasalamat sa mainuswagon nga patubas sa tradisyunal nga pamaagi sang pag-ani sang bisaya nga humay.
Ang nasambit nga festival ang mangin ngalan sang kapistahan sang banwa sang Jamindan sa idalom sang ila Patron nga si Sr. San Sebastian kag ang ini nga pagsaulog ang may tema nga “Maghiliugyon kag Maghugpong, Shining Jamindan itib-ong.”
PROBINSYA SANG CAPIZ – Personal nga ginbaton ni Mrs. Annabelle R. Delfin, Public School District Supervisor sang Roxas City District III ang P10,000.00 gikan kay Gov. Victor A. Tanco bilang bulig pinansyal sa katapo sang “boy scout” nga naaksidente sa salakyan alas 9:00 sang aga sadtong Pebrero 14, 2009 sa brgy. Ondoy, Ivisan, Capiz.
Kaupod ni Mrs. Delfin nga nagbaton sang nasambit nga kantidad amo si Mr. Ronilo D. Fernando, Principal 3 sang Katipunan Village Elementary School sang barangay Lawaan, syudad sang Roxas para sa biktima nga si Dondon Declaro, 12-anyos, grade 6 sang Katipunan Village Elementary School kag insigida gindala sa St.Paul Hospital sa syudad sang Iloilo bangud sa kritikal nga kondisyon.
Ang nasambit nga aksidente ang nagluntad sa tunga sang pampasahero nga jeep nga guin sakyan sang mga boy scouts kag ang patrol car sang pulis sang banwa sang Mambusao.
Suno sa masaligan nga tiliman-an, ang salakyan sang “boy scouts” ang magapadulong sa brgy. Matagnop, Dao, Capiz para sa provincial jamboree.
Sa “live interview” nga ginpatigayon kay Governor Tanco ni Bombo Melvin Galagate sa programa Bombohanay kon Udto kaupod ang anchorman nga si Bombo Cyril Simpas sadtong Pberero 17, sining tuig, ang Gobernador ang nagtug-an nga magahatag sang P10,000.00 para sa biktima kag sang mabati-an sang nasambit nga supervisor kag prinsipal, insigida nagpadulong sa talatapan sang Gobernador kag ginbaton ang nasambit nga kantidad.
“Daku gid nga bulig ang pinansyal nga ginhatag ni Gov. Tanco para sa pagpabulong ni Dondon,” pagpasalamat ni Mrs. Delfin.
Suno sa Gobernador, “ang importante madapatan sang nagakaigo nga medisina ang bata agud mapat-ud ang iya kaluwasan.”
PROBINSYA SANG CAPIZ – Tatlo ka barangay sang banwa sang Ivisan ang nakabaton sang 419 ka “water jug” nga guinpanghatag sang gobierno probinsyal sa pagpanguna ni Gov. Victor A. Tanco sadtong Pebrero 4, 2009.
Ang nasambit nga distribusyon sang “water jug” ang ginsuportahan sang Fishery Aquatic Resources and Management Council (FARMC) sa tinutuyo sang gobierno probinsyal nga mahatagan sang bolutangan sang ilimnan nga tubig ang pumoluyo.
Ang pumoluyo sang barangay Cabugao ang nakabaton sang 144, brgy. Basiao 124 kag ang brgy. Balaring 151.
Ginpahayag ni Gov. Victor A. Tanco, “madugay na ini kon tani iga-implementar nga proyekto pagkatapos nga magpanghalit ang bagyo Frank sa diin labi nga naapektuhan ang mga coastal nga barangay.
Dugang nga ginpahayag sang Gobernador nga “guina amat-amat lang ang paghatag sang bulig gikan sa gobierno probinsyal bangud indi tanan madungan ang paghatag sang ayuda.”
“Indi lang ang pagpanghatag sang water jugs ang ginkadto ko diri sa inyo barangay, ang importante mabati-an ko gikan sa inyo ang nagapanguna nga problema kag aktwal nga sitwasyon sang inyo barangay,” pagpalab-ot ni Gov. Tanco.
Nagtambong man sa nasambit nga distribusyon amo sanday anay Board Member Aldwin Cruz-am, anay Vice Mayor Homer Salgado, Board Members Winston Advincula kag Nenita Martelino kag mga representante gikan sa Municipal Agriculturist’s Office.
PROBINSYA SANG CAPIZ – Nagpatigayon sang misyon medikal ang gobierno probinsyal sa pagpanguna ni Gov. Victor A. Tanco sang damlag lang sa magkatuhay nga lugar sang damlag lang agud mahatagan sang ikaayong lawas ang Capiznon.
Ang padayon nga paghatag sang serbisyo medikal sang gobierno probinsyal ang liwat nga ginpatigayon sa Sitio Bangkal, barangay Maninang, Sapian, Capiz sadtong Pebrero 7, 2009 may kaangtanan sa ikatatlo nga anibersaryo sang kapistahan sang Our Lady of Lourdes sa Meditation Hills sang nasambit nga lugar sa pagpamuno ni Atty. Jose O. Villanueva, nga amo man ang hepe sang provincial legal counsel.
Ang nasambit nga okasyon, ang gintambungan sang opisyales gikan sa iban nga duog sang probinsya sang Capiz kag liwat nga gindugok sang mga deboto sang Our Lady of Lourdes.
Samtang sa pihak nga bahin, nagpatigayon naman sang “medical mission” ang gobierno probinsyal sa Gawad Kalinga Holy Family Village sa barangay Milibili, syudad sang Roxas sadtong Pebrero 14, 2009 agud mahatagan sang nagakaigo nga serbisyo medical ang natungdan nga pumoluyo sang nasambit nga duog.
Sa nasambit nga okasyon, nangin talalupangdon ang boluntaryo nga pagpinta sang lima ka panimalay sang 16 ka katapo sang Youth Organization of the Parish of Maria Lourdes sang pungsod Switzerland sa nasambit nga lugar.
Nagtambong man sanday Mrs. Judy Araneta-Roxas, iloy ni Senador Mar Roxas, Gov. Victor A. Tanco, Mayor Vicente Bermejo sang dakbanwa sang Roxas, Board Member Alfonso Bediones Jr., opisyales sang brgy. Milibili kag pumoluyo sang nasambit nga duog.
Sa pahayag ni Gov. Victor A. Tanco, “bukas ang iya talatapan sa pagbulig sa mga nagakinahanglan nga pumoluyo kag indi dapat magkahuya ang tagsa-tagsa bangud ini para sa tanan nga Capiznon.”
Ang duha ka misyon medical nga ginpatigayon ang liwat nga gindugok sang madamo nga tawo agud makaagum sang libre nga serbisyo medikal.
PROBINSYA SANG CAPIZ – Ginpasundayag sang Capiz Rehabilitation Center (CRC) ang ila sari-sari nga mga produkto bilang suporta sa pagsaulog sang International Arts Month nga guinapatigayon sang talatapan sang turismo sang probinsya sa Kapitolyo Probinsyal.
Ang mga lokal nga produkto nga ginhimo sang mga priso (inmate) nga gikan sa bulak sang tubo ukon guinatawag nga “bila-o,” ang naghatag atensyon sa mga Capiznon nga naga-padulong sa Kapitolyo Probinsyal.
Ang mga desinyo nga ginhuman amo ang “kwadro sang litrato, kopya (miniature) sang batil, alkansiya, sulodlan sang alahas, flower base kag iban pa.”
Suno kay Provincial Warden Arjuna Yngcong, “ang ini nga hilikuton isa ka daku nga oportunidad nga mapakita sang mga utod naton nga priso ang ila ihibalo sa paghimo sang mga produkto nga gikan sa materyales nga ari lang sa aton mga palibot ukon ka isa mga basura na nga plastic apang nangin mapuslanon gali kon aton hatagan sang oras agud diskubrihon.”
“Kon tani, maghimo na lang sang mga produkto nga sarang naton mabaligya kag mapabugal kay sa maghimo sang isa ka krimen nga aton pagahinulsulan,” dugang nga pahayag ni Yngcong.
PROBINSYA SANG CAPIZ – Nagpangaduha ang hubon sang Capiz Taekwondo sa ginhiwat nga Mayor Jerry Treñas Cup—Dinagyang Festival Taekwondo National Championship nga ginhiwat sa Covered Gym sang Ateneo de Iloilo, syudad sang Iloilo, Enero 24, sining tuig.
Naangkon ang bulawan nga medalya nanday Kilah Lucien Montanejos, England Mark Ledesma, Van Joseph Astronomia, Pius John Alcazaren, Mary Gabriel Alaban, Rovie Marie Erpelua, Raymund Ken Astronomia, Kaishia Apio, Ronnel del Castillo kag Mar Angelo Rivera.
Nakuha naman ang pilak nga medalya nanday John Delton James Porter Jr., Giliam Rodney Arce, Justin Dave Agnas, AJ Ardee Alam, Allan Dominic Alcazaren, JVanz Panaligan, Winston Borres III, Joenson Tornalejo, John Edward Tansiongco, Ronnie Grace Erpeula kag Clive Obispado.
Samtang nasipa man ang saway nga medalya nanday Jayson Benisano, Reynald Bryan Joaban, Jessa Micah Montanejos, Gabrielle Antoniette Yuchingtat, Sharmaine Bernadette Matias kag Joesette Aguilar.
Suno sa kay Joven Venancio, taghanas sang nasambit nga hubon, “isa ini ka kadalag-an sang aton probinsya kag makahatag sang mataas nga moral kag kumpyansa sa aton hubon sa taekwondo.”
Guinapasalamatan man ni taekwondo head coach Adorico Venancio Jr., ang mga guinikanan nga naghatag sang suporta para sa ila anak kag sa suporta nga guinahatag ni Gov. Vic Tanco kag sang gobierno probinsyal para labi nga mapasangkad ang ini nga isport diri sa probinsya sang Capiz.
PROBINSYA SANG CAPIZ – Nagmadinalag-on ang probinsya sang Capiz sang makuha nila ang kampeonato sa “athletics” sa bag-o lang natapos nga Western Visayas Private School Athletic Association (WVPRISAA) Meet nga ginhiwat sa San Jose, Antique sadtong Pebrero 3 – 6, 2009.
Nakuha sang mga atleta nga Capiznon ang 52 ka medalya sa athletics, 25 diri ang bulawan, 14 ka pilak kag 12 ka saway agud mangin kampeon sa nasambit nga hinampang.
Ang 26 ka bulawan nga medalya nga ginda-og sang probinsya sang Capiz, 8 diri ang kay Jenelyn Progio sa hampang nga 100 heptahlon, 400 meter-hurdle, 200 meter-dash, 4×100 meter-relay, 4×400 meter-relay, 4×800 meter-relay kag classical relay; Hanny Jean Delfin sa 3,000 meter-run, 500 meter-run, 4×400 meter-relay kag 4×800 meter-relay; Riza Joy Artates sa long jump, triple jump, 4×100 meter-relay kag classical relay; Jerlyn Bornales sa 4×400 meter-relay, 4×800 meter-relay, classical relay kag 4×100 meter-relay; Janet Delfin sa 4×400 meter-relay kag 4×800 meter-relay; Ma. Antonet Tibor sa 4×100 meter-relay kag classical relay; Sharjun Delgado sa 400 meter-dash kag Florence Caro sa javelin throw.
Ang 14 ka pilak nga medalya ang ginsungkit nanday Ana Suzet Bermejo sa high jump, Jioly Barquillo sa steple chase, 1,500 meter-run kag 4×800 meter-relay; Joannu Fegarido sa 200 meter-dash, 4×800 meter-relay kag 4×200 meter relay; Jonas Dellava sa 4×800 meter-relay, Ruel Gasinao sa classical relay, Bornales sa 800 meter-run kag 1,500 meter-run; kag Delgado sa 4×800 meter-relay, 4×200 meter-relay kag classical relay.
Samtang ang 12 ka saway nga medalya ang ginkuha nanday Progio, Artates, Bornales kag Tibor nga may tag-isa ka medalya para sa pambabaye nga 4×200 meter-relay; tag-isa naman ka medalya sanday Delgado kag Caro para sa 4×200 meter-relay; 3 naman ka medalya ang kay Fegarido para sa 100 meter-dash, classical relay kag 4×400 meter-relay; Dellava para sa 4×400 meter-relay kag 2 ka medalya ang kay Pancho Villanueva para sa shot put kag discus throw.
Si Progio, H.J Delfin, J. Delfin, Bornales, Bermejo, Delgado, Caro, Barquillo, Villanueva, Fegarido kag Gasinao, tanan yara sa kolehiyo kag mga estudyante sang Colegio de la Purisima Concepcion, syudad sang Roxas.
Samtang sanday Artates, Tibor kag Dellava mga estudyante sa kolehiyo sang Hercor College diri sa dakbanwa sang Roxas.
Suno kay athletics coach Fritz Dorado, “ini na siguro ang umpisa sang aton maayo nga kampanya sa isports bangud nakuha naton ang bulawan nga medalya sa athletics nga sadto guina-dominar sang sports power nga probinsya sang Negros Occidental.”
“Guina-pasalamatan ko gid una ang Mahal nga Dios, ang mga eskwelahan nga nga nagasuporta sa aton kampanya nga makuha ang kadalag-an kag kay Gov. Vic Tanco nga padayon ang suporta para sa provincial Training Pool, ini tanan nga kadalag-an bugal naton nga Capiznon. Kasubong man daku ang nangin papel sanday Rodolfo Adrigado kag Fidel Gallenero.
Sa athletics, nagpanguna ang Capiz, nagpangaduha ang probinsya sang Negros Occidental, pangatlo ang Iloilo, pang-apat ang Aklan kag pang-lima ang Antique.
Samtang sa pangkabilugan nga resulta sang WVPRISAA Meet, nagpanguna ang Negros Occidental, Iloilo, Capiz, Antique kag Aklan.
Ang nasambit nga mga atleta sang probinsya sang Capiz ang naghatag man sang katahuran sa Sangguniang Panlalawigan kasubong man kay Governor Tanco sadtong Pebrero 12.
Suno sa Gobernador, “isa ini ka kadalag-an nga dapat naton tipigan agud maga-serbi nga inspirasyon sa mga atleta sang Capiz.”
SIGMA, CAPIZ – Ginpangunahan ni Gov. Victor A. Tanco, nga nangin dinapit nga bisita sa ginpatigayon nga “groundbreaking ceremony” sa igatukod nga Canesa Sugar Mill sa barangay Parian, Sigma, Capiz sadtong Pebrero 6, 2009.
Sa mensahe nga ginhatag sang Gobernador, “isa ini ka daku nga bulig sa pagpasangkad sang ekonomiya sang banwa sang Sigma kag probinsya sang Capiz.”
“Ang asukarera isa ka dugang nga palamugnan sang pumoluyo para makabulig sa ila tagsa ka pagpangabuhi,” dugang nga pahayag sang Gobernador.
Ginpahayag pa sang Gobernador nga kinahanglan naton suportahan ang ini nga proyekto bangud makabulig ini sa aton komunidad.
Ang “groundbreaking ceremony” gintambongan nanday Mayor Maria Andaya sang banwa sang Sigma, Municipal Agriculturist Carol Villegas – Presidente sang Canesa Sugar Mill, Emilinda Pollentes sang Department of Trade and Industry kag ang mga stockholder sang asukarera.
PROBINSYA SANG CAPIZ – Ginpanginbulahan ni Gov. Victor A. Tanco ang programa sang Department of Trade and Industry (DTI) diri sa probinsya sang Capiz sa paglunsar sang “A Responsive and Innovative Strategy for Entrepreneurship (ARISE),” sa isa ka sinapol tuhoy sa responsabli kag moderno nga istratehiya sa pag-negosyo nga ginhiwat sadtong Enero 27, sining tuig sa Hall of Governors sang Kapitolyo Probinsyal.
Sa mensahe ni Governor Tanco, iya ginpalab-ot ang iya 100 porsyento nga pag-suporta sa sini nga lihok sang DTI-Capiz.
Suno pa sa Gobernador, “daku ang mabulig sini nga sinapol sa mga nagasugod sa patag sang negosyo kag para sa mga wala sang trabaho, magahatag ini sang kahigayunan nga mag-umpisa sa pag-negosyo agud mangin permanente nga palangitan-an sang tagsa ka pamilya.”
“Epektibo ini nga istratehiya sa kondisyon sang ekonomiya sa karon, sa pagdamu sang magagmay nga negosyante amat-amat ini nga magadaku kon inyo panikasugan bangud ang inyo tagsa ka negosyo mangin sandigan sang palamugnan sang Capiznon,” katapusan nga pahayag ni Governor Tanco. (ni JONATHAN PALOMAR kag MARIELLA SIBUGAN)
PROBINSYA SANG CAPIZ – Daku ang pagpasalamat sang apat ka pamilya nga nakabaton sang bulig pinansyal nga tag P5,000.00 gikan sa gobierno probinsyal sadtong Enero 20, 2009 sa talatapan sang Provincial Social Welfare and Development (PSWD) sa kapitolyo Probinsyal.
Ang mga resipyente ang nakapasa sa pagpaniyasat sang PSWDO, sa diin “totally damage”
ang ila panimalay.
Opisyal nga gintugyan ni Provincial Administrator Zoe G. Herrera Jr. ang nasambit nga kantidad sa kada pamilya nga nagkalaguba ang ila panimalay.
Ang mga pamilya nga nakabaton amo sanday Arlene Obligar, Richel Victoriano, Jovie Orale kag Leonida de Juan, tanan pumoluyo sang barangay Lonoy, Sapian, Capiz.
“Daku ini nga bulig sa pagbangon sang amon panimalay kag makaabal-abal sa amon pangabuhi,” suno kay Obligar.
PROBINSYA SANG CAPIZ — Guinpangunahan ni Gov. Victor A. Tanco ang madinalag-on nga sinapol sang Provincial Development Council (PDC) para sa pag aprubar sang 20 porsyento nga pondo para sa tuig 2009 nga naglab-ot sa P104,331,221.00Hall of Governors, Kapitolyo Probinsyal sang nagligad nga Pebrero 17, 2009.
10 posyento ukon P10 milyones ang ginsaka sang pondo subong nga tuig kumpara sang nagligad nga tuig nga nagabalor lang sa 94,082,328.00.
Suno kay Antonio Asis, hepe sang Provincial Planning and Development Office (PPDO), ang nasambit nga pondo ang guinpa-in sa General Public Services P48,859,221.00; Social Services P39,395,000.00; Education and Manpower Development P10,375,000.00; Health, Nutrition and Population Control P14,820,000.00; Housing and Community Development P11,250,000.00; Social Security, Social Services and Welfare P2,950,000.00 kag Economic Services P16,077,000.00.
Sa mensahe nga ginhatag ni Governor Tanco, ang nasambit nga pondo ang paga-gamiton sa pagdul-ong sang mga nagapanguna nga serbisyo kag para sa preparasyon sang Western Visayas Regional Athletic Association (WVRAA) Meet sa Marso 15 - 21, 2009 sa diin guinapatigayon ang pagkay-o sang mga pasilidades sa isports.
Gindugang pa sang Gobernador, “ang probinsya mangin tagbalay sa paga palaabuton nga WOW Philippines kag nationwide nga selebrasyon sang Indigenous Peoples Month.”
Ang nasambit nga sinapol ang gintambungan nanday Board Member Ricky Martin, Mayor Rita Lyn Patricio sang banwa sang Pilar, City Administrator Rey Cordenillo sang syudad sang Roxas, Mayor Dante Bermejo sang banwa sang Panay, Mayor Rosauro Buenafe sang President Roxas, Mayor Steve Contreras sang Pontevedra, Gilbert Tan, bilang tiglawas ni Cong. Tony del Rosario kag iban pa nga mga opisyales gikan sa mga munisipyo sang probinsya sang Capiz.
